Bo día piratiñas¡¡¡¡ Como estades? esperamos que vaia todo ben.
No blog de hoxe, ensináremosvos a facer dous pratiños de comida moi sinxelos pero que están deliciosos 😋
De primeiro, faremos un pastel de atún frío con pan de molde.
Ingredientes:
- de 8 a 12 rebanadas de pan de molde sen codia, segundo sexa o tamaño do molde
- 150 gr de atún en conserva
- 1 bote pequeno de aceitunas con anchoa
- 1 lata de millo doce
- 4 ovos
- maionesa
- 1 latiña de pementos de piquillo
- 2 corazóns de leituga
Necesitades un molde. Neste caso, empregaremos un rectangular e cubrímolo con film transparente, pero podedes utilizar calquera que teñades nas vosas casas.
1. Cocemos os ovos durante 10 minutos mais ou menos. Unha vez cocidos, esperamos a que arrefríen e pelámolos.
2. Imos preparando o resto de ingredientes. Escorremos o atún, desfacémolo e poñémolo nun bol.
3. Picamos as aceitunas, os pementos e os corazóns da leituga.
4. Mesturamos todos os ingredientes no bol i engadimos maionesa ao gusto, pero sen pasarse eh¡¡¡
5. Colocamos no fondo do molde 3 rebanadas de pan. Depende de como sexa o voso molde, pero o importante é cubrir todo o fondo. Logo botamos unha capa da mestura que fixemos, cubrindo todo o pan.
6. Logo poñemos outra capa de rebanadas de pan, que cubriremos de novo co recheo, e así ata o final do molde.
7. Unha vez rematado, botamos por enriba do pan unha capiña fina de maionesa e decorámolo como queiramos.
8. Metémolo no frigorífico durante 2 horas para que estea ben fresquiño, quitámolo do molde, colléndoo polo film transparente e poñémolo nunha bandexa para servir e xa está listo para comer¡¡¡¡
Xa que fixemos o primeiro prato, remataremos facendo un postre que estamos case seguras que vos gustan a tod@s. Unhas riquísimas natillas.
Ingredientes:
- un litro de leite enteiro
- un sobre de preparado para natillas
- azucre
- canela
1. Botamos case todo o leite nunha pota, pero primeiro enchemos unha taza na que botamos o contido do sobre no leite frío.
2. Na pota co leite que poñemos a quecer, botamos o azucre. Nós botamos 4 culleres de sopa rasiñas, pero podedes engadirlle algunha máis se sodes moi lambóns 😉
3. Cando o leite empece a ferver, engadiremos o que temos na taza pouquiño a pouco.
É moi importante que non deixedes de remexer ata que ferva outra vez o leite, se non pegarase no fondo da pota e non van estar moi boas.... 🙊
4. Cando ferva o leite, retiramos a pota do lume, e botamos as natillas nuns recipientes individuais.
Nós botámoslle canela porque nos encanta, pero eso xa é ao voso gusto.
Buenos pois ata aquí o blog de hoxe, esperamos que vos gustaran as receitas e que as fagades na vosa casa, ca axuda dalgún maior, non vaia ser que vos queimedes ou cortedes¡¡ 😱
Ata mañán amiguiñ@s¡¡¡¡
No hay comentarios:
Publicar un comentario