viernes, 21 de enero de 2022

SEMANA DO 10 AO 21 DE XANEIRO

 Bo día familias¡¡¡

Iniciamos o segundo trimestre do curso e aínda que pasamos moito tempo na Chaira xogando ao aire libre por precaución dada a situación sanitaria, tamén facemos algunha cousiña na Aula.

Aquí tedes unha pequena mostra...

Os máis maiores empezaron o cole cambiando a súa ubicación do pavillón ao salón de actos. E ao quentiño xogaron a varias cousas.....






Os pekes na Aula tamén xogan un montón tanto pola mañá como pola tarde...












e amosaron a súa destreza coa papiroflexia, facendo un koala ben simpático 😃




Pola tarde, aproveitando o solciño, estiveron pintando as súas siluetas con xiz e moitos debuxos máis. Como lles gusta pintar no patio¡¡¡














Pero a pintura con paos tamén mola¡¡¡ 







E aínda que é un pouco pronto....estamos comenzando a facer cousiñas para o Entroido, pero polo de agora imos manter o segredo....



























E con esto damos por finalizada esta semana. 

Descansade moito a finde e coidádevos moito¡¡¡ 




lunes, 20 de diciembre de 2021

SEMANAS DO 6 AO 17 DE DECEMBRO DE 2021

Boas, familias!!!!
Xa estamos no último mes do ano e a piques de rematar a primeira avaliación no cole. E dende a aula pirata estivemos a facer un montón de cousiñas impregnados dun certo ambiente do Nadal.

O frío tamén se deixou ver... 










Así que decidimos mover un  pouco o esqueleto xogando ao pano.

              



              


Tamén nos puxemos man a obra coa plastilina para xogar aos dentistas. Menudas dentaduras fixeron 😁!!!! 


E, como non, tamén xogamos aos clásicos da aula: cos animais, puzzles, debuxar e pintar, coches,  etc.



         

 





Estes días estamos de estrea. Temos un montón de cousiñas novas. Sen duda, o que máis éxito tivo foi a nova cociña. Fartámonos de preparar todo tipo de comidas 😋

 
 
 Pero non foi o único xogo que estreamos:
  •   Tamén temos xogos de mesa novos 😍

 



  • Legos duplo:





  • Bloques apilables de animaliños:






E aquí vos deixamos a decoración da aula. Sacamos a árbore de Nadal e adornámola con moitas cousiñas. 
                         

E como nos parecía que lle tiñamos que dar un toque persoal, os máis peques fixeron uns adornos moi bonitiños:
 



 


Bonecos de Xenxibre e renos 



Qué bonitiños quedaron!!! 😍😍😍











E para rematar este blog,non podían faltar as imaxes do Mercadillo Solidario que tivo lugar o Sábado 18 na Praza do Concello. 
Estivemos dando pinceladas esta tempada, de cómo os nenos e nenas da aula elaboraban unha morea de cousiñas: Gorros de la, pendentes, carteiras, portaretratos, guirnaldas, pinzas para o cabelo, botes decorados para candeas, etc. 
Con todos estes obradoiros, os nenos crearon unha morea de pezas para por a venta neste Mercadillo. Foi todo un éxito👏👏👏👏. Esperamos que sexa o inicio dunha longa tradición de Nadal no Pereiro.



ÚLTIMOS OBRADOIROS!!!!!


Decorando para poñer as cousiñas que fixeron  no posto: 







Dende a aula, achegamos  o noso gran de area para colaborar coa asociación ANEDIA  (Asociación de nenas, nenos e xente nova con diabetes) para que continúen coa súa gran labor. 

E isto é todo polo de agora.
 FAMILIAS, desexámosvos un BO NADAL e unhas FELICES FESTAS!!!!!!