Os piratas tamén quedamos na casa. Día 8

Bo día pirat@s!, algo está a cambiar no ambiente, notádelo?, ainda que non poidamos sair da casa, a luz dos días é diferente, o canto dos paxaros é máis alegre, as árboles comezan a vestirse de cores e as flores empezan a adornar os prados e campos. Por fin chegou a primavera!

Pero vos sabedes onde tén a súa orixe? Vouvos  contar un conto, abride ben as orellas  e leede con atención porque así naceu O MITO DA PRIMAVERA…..

Deméter era a deusa da terra, da agricultura e ela foi a que decidiu o paso das estacións. Baseándose no tempo que pasaba coa súa querida filla, Perséfone, deusa da primavera daba paso ao verán, o verán ao outono e, para rematar, o inverno:

 Houbo un tempo en que todo o ano era primavera. A deusa Deméter proporcionaba todo o ano campos cheos de cultivos, flores nos xardíns, árbores cheas de froitas e un sol radiante. Pero un bo día puxo fin a aquela eterna primavera. Foi cando o deus do mundo subterráneo, Hades, raptou á súa filla Perséfone e Deméter enfureceuse. Ocorreu así:

 Deméter camiñaba tranquilamente por un bosque cando de súpeto oíu un grito da súa filla Perséfone. Deméter correu a axudala pero non lle deu tempo porque cando chegou xunto a ela, viu como Hades leváballa no seu carro cara ao seu reino subterráneo, un lugar do que dicían non se podía saír xamais. Deméter enfadouse moitísmo e pediu axuda ao resto dos deuses para sacar á súa filla de alí, pero todos tíñanlle moito medo a Hades como para pedirlle explicacións.

          -Pois si non me axudades a recuperar á miña filla Perséfone, ídesvos a enterar! -dixo enfurecida Deméter.

Entón cruzouse de brazos e deixou de traballar como deusa da natureza. Os campos secáronse, as follas das árbores caéronse, xa non había flores nos xardíns e non deixou pasar o sol. Ninguén tiña alimentos para comer e a xente estaba pasando fame. Así que ao resto dos deuses non lles quedou máis remedio que actuar.

Chamaron ao deus do mundo subterráneo, Hades, para que saíse no seu carro á superficie e entre todos tiveron unha conversación.
         - Hades, tes que devolver a Perséfone - dicíanlle os deuses -porque Deméter está moi triste e non quere traballar. A xente está pasando fame e todos os campos secáronse.
         - Perséfone non vai volver -dicía Hades- porque do mundo subterráneo só se pode saír co meu permiso. E ademais vive feliz comigo.
A negociación parecía difícil, pero ao final entre todos os deuses convenceron a Hades para que deixase saír a Perséfone durante seis meses ao ano. Ese tempo podía pasalo xunto á súa nai Deméter e logo volvería con el. Hades accedeu e deixou saír a Perséfone.
A alegría de Deméter ao volver ver a súa filla fixo que todo florecese de novo, os frutales, as verduras nas hortas, o trigo nos campos. Entón chegou a primavera enchéndose o mundo enteiro de cor e alegría. A primavera deu paso ao verán cando Deméter e Perséfone gozaban na praia coa calor do sol.

Pero, Perséfone tiña que voltar pronto xunto a Hades. Cada ano, Perséfone volvía ao mundo subterráneo e Deméter poñíase tan triste que as follas das árbores caian deixando paso ao outono. E canto máis tempo pasaba sen a súa filla, Deméter poñíase a tiritar de frío e así chegaba o inverno. Pero como a vida é un ciclo, finalmente, a primavera sempre chega.

Como lembrades, os piratiñas adoitamos a decorar a nosa Aula segundo a estación na que nos atopamos, segundo a festividade ou acontecemento que se celebre, etc. Este ano non ía ser menos, polo que vos  propoñemos que decoredes algún rincón da vosa casa.

Ainda que estamos seguras de que tedes xa un montón de ideas rebulindo na vosa cabeciña, nós queremos poñer tamén o noso gran de area e deixarvos algunas ideas que podedes levar a cabo.

 1.    MARIPOSAS DE PAPEL PARA AS PAREDES OU TEITOS

 

 

Podedes facer unas mariposas para decorar por exemplo o cabeceiro da vosa cama ou colgalas do teito na vosa  habitación. Podedes imprimir as plantillas que vos deixamos máis abaixo, ou debuxalas vos mesmos

MATERIAIS: plantillas de mariposas de distintas formas; folios brancos, ceras ou rotuladores; tesoiras, blu tack/ celo (para pegar as mariposas á parede), fio de sedal, se non tedes vale un trociño de lá. 

¿COMO O FAREMOS?: podedes imprimir os debuxos de mariposas que vos deixamos a continuación, ou debuxalas vos mesmos nun folio. Coloreámolas, recortámolas e pegámolas por exemplo nunha das paredes do voso cuarto, ou colgámolas do teito por onde máis vos guste.

 

 2.    MACETAS CON FLORES:

 

 Unha manualidade sinxela é facer unhas flores e plantalas dentro dunhas macetas que teñades pola casa. As flores podédelas facer con goma eva ou se non tedes, podedes imprimilas plantillas que vos deixamos máis abaixo en folios ou cartolinas, ou debuxalas vos mesm@s e pegalas nuns paus de pinchos, depresores ou palliñas 

MATERIAIS: plantillas de flores de distintas formas, goma eva, se non tedes podedes usar folios ou cartolinas brancas, depresores, pauciños de pinchos ou palliñas, tres macetas pequenas que teñades pola casa e que non as vaian a utilizar os vosos papis, se non tedes podedes reciclar uns botes de cristal, unha pouquiña terra, ceras, rotuladores, tesoiras e celo.

¿COMO O FAREMOS?: primeiramente faremos as flores en goma eva, como xa dixemos, se non tedes, podedes imprimir as plantillas que vos deixamos a continuación en folios ou ben debuxalas vos mesmos. Coloreámolas e recortámolas. Pegamos as flores nos depresores ou palliñas con celo. Enchemos as macetas con unha pouca terra e cravamos as flores nela, e voilà xa temos as nosas plantiñas feitas, que podemos colocar por exemplo no alféizar dunha ventana, enriba dunha mesa no salón, na mesa da cocina, etc.

 ¡UNHA IDEA! se vos animades podedes decorar as macetas / botes de cristais, quedarán moito máis primaverais!

 3.    ÁRBORE, SOL E NUBES PARA OS PASILLOS 

 

O pasillo é unha parte da casa por onde pasamos a miúdo, podedes decoralo con cousas alegres e divertidas, como por exemplo facer unha árbore, un sol e unhas nubes para decorar os vosos pasillos.

a)   ÁRBORES

 MATERIAIS: cartolina de cor marrón, verde, ou branca, no caso de que non teñades podedes empregar papel de periódico; blu tack / celo; tesoiras; témpera de cor verde e marrón; pegamento ou cola branca.

 ¿COMO O FAREMOS?: debuxamos e recortamos a silueta dunha árbore, o tronco e a copa. No caso de que non teñades cartolinas de cores verde ou marrón, podedes empregar  cartolina branca ou  papel de periódico. Unha vez debuxados a árbore e a copa, podédelos colorear con témperas verde e marrón. Pegades con blu tack /celo no voso rincón favorito.

b)  SOL

 MATERIAIS: cartolina amarela, se tedes, se non tedes, folios, cartolina branca, ou papel de periódico, blu tack / celo, tesoiras, témpera de cor amarela

 ¿COMO O FAREMOS?: debuxamos e recortamos a silueta dun sol, cos seus raios. Igual que na manualidade anterior, se non tedes folios ou cartolina amarela podedes facelo en folios, cartolina branca ou papel de periódico, e posteriormente colorealo con témpera cor amarela 

c)  NUBES

 MATERIAIS: varios trozos de cartón de diferentes tamaños, blu tack / celo, fío de sedal ou lá, tesoiras, témperas de cor branca, papel de periódico, pegamento ou cola branca  

¿COMO O FAREMOS?: debuxamos a silueta da nube no cartón podedes facer varias de diferentes tamaños. Unha vez recortadas coloreadelas con témpera branca. Mentras seca, facemos bolas co papel de periódico, de tamaño mediano e pegámolas no cartón con pegamento ou cola, deixamos secar e pintamola con témpera branca. As nubes podedes pegalas na parede ou colgalas do teito 

¡UNHAS  IDEAS!, se fai bo día, todos os que teñades un xardín  ou un patio podedes sair  e recoller algunhas follas e flores pequenas. Limpalas moi ben e pegalas na copa da vosa árbore, darédeslle un aspecto máis realista.

Se preferides e para non levar tanto traballo, podedes facer un mural e pintar nel a árboles, as nubes, o sol, un arco da vella, e todo o que se vos ocurra, e pegar ese mural onde máis vos guste.

 

4.    ANIMAIS PARA DECORAR AS VENTÁS

Na primavera os animais comenzan a espertar e sair do seu estado de hibernación. Esquíos, mouchos, coelliños etc. Asoman o seu hocico para ulisquear as flores do campo. Outra proposta de decoración é imprimir ou debuxar uns animais e pegalos as vosas ventás. 

MATERIAIS: papel de acetato. No caso de que non teñades, e como non é fácil de conseguir podedes empregar folios; celo; tesoiras; ceras ou rotuladores

¿COMO O FAREMOS?: imprimimos as plantillas dos debuxos de animais que vos deixamos a continuación ou tamén os podedes debuxar vos mesmos. Coloreámolos e recortámolos. Con eles podedes decorar por exemplo as ventás do salón, da cociña, da habitación dos vosos papis.

  ATENCIÓN! AHÍ VAN UNS CONSELLOS!:

·         Lembrade que todas as actividades anteriores son suxerencias, exemplos dos que sacar ideas, podedes facer o que máis vos guste. Imaxinación ó poder!

·         É mellor empregar blu tak que o celo para pegar nas paredes e en calquera superficie, despois resultaravos máis fácil e limpo sacalo. Se non tedes podedes usar celo, pero que vos axuden os maiores a facelo.

·         Non é necesario que as fagades todas, podedes facer unha, dúas, tres….as que vos apeteza.

O que si vos pedimos é que nos gustaría que fixerades fotos das actividades que fagades e que as subades ao Facebook da Aula. Pero non só iso, tamén nos gustaría que comentedes qué vos están parecendo as cousas que vos propoñemos para facer, cómo estades a pasar estes días, ou tamén podedes proponer algún xogo, conto, manualidade, etc. para que os demáis poidan facer nas súas casas. 

Moito ánimo e Ata a próxima aventura! 😘