Excursión a Allariz

O piratas saimos da aula o martes e puxemos rumbo a un novo destino: Allariz. Atracamos o barco e estivemos visitando un pouco a cidade e vendo se había algún boi polas ruas, pero non atopamos ningún (menos mal!!!!!).

Paramos á beira do río a merendar e ver as piraguas que estaban entrenando. Que velocidade levaban, nin que os perseguise algún barco pirata (o noso non era, seguro, seguro).

Despois visitamos a fundación A.N.D.R.E.A. que traballa con burros. Ten 17 animais, todos eles con nome propio (a nos pareceunos moi difícil distinguir algún deles, pero os donos sabían o nome de todos: candela, blanquita, douro...). Esta fundación traballa con nenos/as con discapacidades e os burros axudan na súa terapia. Deixámosvos un porrón de fotos do ben que o pasamos con eles. E se queredes amadriñar/apadriñar ou acoller a un burro podedes facelo a través da fundación.