Mapa do Concello

Como bos piratas que somos ADORAAAAAAAAAMOS os mapas.
De feito nesta entrada podedes ver outro que tamén fixemos e co que aprendimos moito, moito.
Asi que puxémonos máns á obra e fixemos un mapa do noso concello. Para estar seguro de que cada vez que atracamos imos ao sitio axeitado. Porque nós, non necesitamos mar nin océano para chegar a bo porto.

Varias tardes. Varios proxectos.

Ola,ola!
Aproxímase a fin de semana, e para que non vós aburrades, deixamosvós un par de ideas para facer cos peques e non tan peques tan casa.

A primeira é: Unha cestiña ben xeitosa para gardar todos os tesouros que vaiades atopando.

Só temos que ter algo de foam (goma eva), agulla gordecha, lá e pegamento.

E a outra actividade ten moito que ver cunha gran amiga do barco pirata. Gloria Fuertes, que para que non o sabía, na aula pirata xa limos algúns dos seus poemas e tivemos o placer de coñecer a Dona Sara e Don Ramón, pero hoxe tocou "Como se dibuja a un buzo", en internet podedes atopar moitos dos seus poemas, nós temos a sorte de ter un libriño con varias das súas obras. Pero senon aquí e aquí tendes algúns exemplos do que vós contamos.

Saudos piratas e forza amig@s!

Normas e como funciona o Programa Concilia.

PROGRAMA CONCILIA O PEREIRO DE AGUIAR

NORMAS DO PROGRAMA CONCILIA

•    Este servizo está destinado a pais/nais traballadores en activo.

•    A ausencia dos usuarios ao servizo deberá ser comunicada cunha antelación de 24h por escrito.

▪     No caso de non avisar o usuario perderá a súa praza pasados 5 días lectivos.

•      Só poderán acceder ao servizo os empadroados no concello.

▪      Durante o curso lectivo poderán asistir os matriculados no CEIP Ben Cho Shey

•      No servizo non se realiza cambio de muda. En caso de necesitalo avisarase aos pais/ nais.

•      Non poderán asistir á aula concilia os usuarios que se atopen nas seguintes situacións:

▪      Nenos non escolarizados menores de 3 anos.

▪      Nenos/as con febre superior a 38,5°C.

▪      Nenos/as con problemas intestinais que impidan o desenvolvemento da vida cotiá.

•      No caso de que os usuarios teñan algún problema de saúde (alerxia, intolerancia,…) ou se atope nalgunha outra situación especial deberá comunicalo aos monitores por escrito.

Circunstancias especiais

−    Período non lectivo:

▪     A hora de entrada ao servizo vai dende as 7:30h as 9:45h.

▪     A hora de recollida é de 13:00h a 14:30h.

▪     No caso de que algún pai/nai comece a traballar despois do peche do prazo de inscrición poderá preguntar na aula se quedan prazas libres.

−    Período lectivo:

▪     Os almorzos, que os usuarios traian da casa, terán lugar entre as 7:30h e as 9:00h.

▪     As merendas, que os usuarios traian da casa, terán lugar entre as 18:00h e as 18:30h.

▪     Os usuarios que asistan ao programa concilia polas tardes deberán avisar de calquera cambio de horario por escrito. En caso de dúbida os usuarios serán recollidos  á saída da escola.

▪     Os monitores non se farán cargo de recoller aos usuarios das actividades extraescolares.