Comeza o outono

 Boa tarde piratiñas e benvidos de novo ó blog da Aula D´abaixo. Xa fai tempo que non nos vemos por estes mares, pero o barco pirata xa arrancou motores, izou as velas e puxo rumbo a un novo curso cheo de novos retos, pero coa enerxía e a ilusión a tope. ⛵

E para que vexades todo o que fixeron os novos grumetes do barco imos coller un catalexo e ensinarvos a semana pasada:

No pavillón pirata xogamos ó tutifruti e pintamos uns debuxos, sempre con separación e as máscaras postas....

E como algúns grumetes teñen que madrugar moito para coller este barco, e as colchonetas se prestan tanto, botaron unha sonequiña 🏨

Entre sono e sono deunos tempo de xogar un ratiño ó pano

Como hoxe comeza o outono, anticipámonos un pouco e saímos á Chaira a buscar piñas e ver se atopabamos algún ourizo do castiñeiro do cole (chegamos a conclusión que para encher o bandulliño de castañas temos que esperar uns días)

Pero como non todo é xogar e sair de ruta, tamén tivemos tempo de facer deberes, que aínda que non nos gusten demasiado, temos que facelos para chegar a ser uns grandes piratas dos mares do Sur.

 E ata aquí a entrega desta semana, seguide atentos e atentas ás novas aventuras que nos deparará o futuro destes piratiñas.

❤❤❤❤