Semana Santa 2018

Bos días, familias. Esta semana santa non paramos de facer cousas, así que non nos aburrimos nadiña de nada. Fixemos un circuito con varias probas, pero o importante é participar e non gañar.

Lemos o conto Sacapenas e aprendemos que se temos unha pena ou medo contámosllo o noso amigo sacapenas e metémolo debaixo da almofada. A mañá seguinte estaremos FELICES.

Como somos moi intrépidos saimos á Chaira a recoller follas e pauciños e investigar se atopamos algún animaliño. 

Coas piñas que atopamos e como xa estamos na primavera  fixemos unhas bolboretas que non vexades como voaban.

E os mais pequerechiños/as construiron un ourizo coas follas da Chaira. Pero estes non pinchan eh!!!!!

 Non creades que todo é traballar. Tivemos tempo de xogar cos nosos amigos/as.

 Veu o coelliño de Pascua e escondeu no pavillón unha chea de oviños de chocolate que os nosos/as piratiñas tiveron que atopar. Busca por aquí, busca por alá.... e apareceron todos. Que ricos estaban.